‘जातको प्रश्न’मा धर्मको प्रचार नगरेको दाबी

News

by admin 1 year ago 682

‘जातको प्रश्न’मा धर्मको प्रचार नगरेको दाबी

Source: ramailochha.com

पछिल्लो समय राजेश हमालले संचालन गर्दै आएको टेलिभिजन कार्यक्रम ‘जातको प्रश्न’ विवादमा फसेको छ । क्रिस्चियन धर्मको प्रचारप्रसार गरेको भन्दै समता फाउन्डेशनको लोगो र राजेश हमालको तस्बिर जलाइरहेका छन् । समता फाउन्डेशनले उक्त पोस्टर नबनाएको दाबी गर्दै प्रेस विज्ञप्ती जारी गरेको छ ।

विज्ञप्तिमा भनिएको छ, ‘यो कार्यक्रमकोे मुख्य उद्देश्य नै जातीय विभेद सम्बन्धि घर घरमा संवादको शुरुवात गर्ने रहेको छ । यस कार्यक्रमा कुनै निश्चित जात, धर्म, लिङ्ग, क्षेत्रप्रति कुनै पनि प्रकारको पुर्वाहग्रह नराखेको स्पष्ट गर्न चाहान्छौ । कार्यक्रमबारे आएका समालोचनात्मक तथा रचनात्मक सल्लाह र सुझावलाई हामी सदैव स्वागत गर्दछौं । हाम्रो समाजमा विद्यमान जातीय विभेदको विविध पक्षमा विचार–विर्मश होस् भन्ने हाम्रो उद्देश्यलाई स्वस्थ बहसले थप बल र सहयोग पु¥याएको छ । यसका लागि कार्यक्रमका दर्शक तथा शुभचिन्तकका साथै हाम्रो कामका लागि समालोचनात्मक चेत भरिदिनुहुने सम्पुर्णलाई हार्दिक धन्यवाद ज्ञापन गर्दछौं । कार्यक्रम प्रसारण भइरहेकै बेला समता फाउण्डेशनको लोगो र कार्यक्रम प्रस्तोता राजेश हमालको फोटोलाई समेत दुरूपयोग गरि सामाजिक सञ्जालमा गलत अभिव्यक्ति राखेर अफवाह फैलाइएको घटनाप्रति संस्थाको गम्भीर ध्यानाकर्षण भएको छ । उक्त पोस्टर समता फाउण्डेशनले नबनाएको र त्यसमा संस्थाको कुनै संलग्नता नभएको पनि यसै विज्ञप्तिमार्फत् प्रष्ट्याउँदछौं । अनाधिकृत रूपमा संस्थाको लोगो र व्यक्तिको फोटो प्रयोग गरि पोष्टर बनाई भ्रम फैलाउन’ नेपाल सरकारकोे साईबर कानुनबमोजिम दण्डनीय क्रियाकलाप भएको तथ्यबारे ध्यानाकर्षण गराउँदै सम्बन्धित सबैलाई सचेत हुन अनुरोध गर्दछौं ।

नेपाल सरकारको प्रचलित नीति–नियम र कानुन बमोजिम संस्थाले विभिन्न गतिविधिहरू सञ्चालन गर्दै आएको छ । विभिन्न राष्ट्रिय तथा अन्तर्राष्ट्रिय संघ–संस्थाहरूको सहकार्य र सहयोगमा सञ्चालन भएका परियोजना तथा कार्यक्रमहरु पारदर्शी ढंगले संचालन गर्दै सामाजिक उत्तरदायित्वलाई संस्थाले प्राथमिकतासाथ वहन गर्दै आएको छ । समता फाउण्डेशनको गतिविधि र कार्यक्रमबारे स्वस्थ आलोचना र सिर्जनात्मक सुझावलाई हामी सधैं स्वागत गर्दछौं ।’

Similar Posts